تطعيم الطفل 4 / جلبة 4 شهور

الدورة الشهرية عند كل امرأة كتبدا النهار الأول فاش كتشوف الدم ، وكتسالي هاد الدورة فالنهار الاول ديال الدم ديال الشهر اللي تابعها.غالبا الدورة كتكون المدة ديالها مابين 28 يوم حتى ل 35 يوم ، وكل دورة كتشكل من 3 مراحل :

المرحلة الأولى : واللي فيها كتكون كتنزل الدم ، وغالبا هي من النهار الأول حتى الخامس

المرحلة الثانية : واللي فيها اعادة بناء جدار الرحم واللي كان راب ونزل على شكل دم الايام اللي فاتو، وكتكون من النهار السادس حتى النهار 14 من الدورة .

 المرحلة الثالثة : واللي فيها كيتسالا البناء ديال جدار الرحم والاستعداد لاستقبال البويضة المخصبة للتعشيش، وكتكون من نهار 14 حتى الأخير ديال الدورة ، ايلا ماتمش تلقيح البويضة داك جدار الرحم كيتهد بوحدو وينزل على شكل دم .

 

 

فانيد منع الحمل فيه نوعين :

النوع الأول :

فانيد يحتوي هرمونين ، الهرمون الأول هو الأستروجين ، الاوستراديول أما الهرمون الثاني هو البروجيستاتيف وغالبا المصدر ديالو كيكون على حسب ماركة الفانيد ، الدور ديال هاد الفانيد هو كيحبس الاباضة وكيرقق جدار الرحم مكايخليهش يتربى مزيان ، وكيغلض افرازات الرحم .

النوع الثاني :

واللي كيحتوي على هرمون واحد ، هو هرمون البروجيستاتيف ، الدور ديال هاد الفانيد  اللي كيتخاد غالبا خلال فترة الرضاعة واللي هي الحمل حتى 6 شهور، هو منع التبويض في بعض الأنواع وتغيير قوام أو لزوجة افرازات الرحم وجدار الرحم، لا يجب نسيانها أكثر من 3 ساعات أو 12 ساعة بالنسبة للنوع اللي كيحبس الاباضة . هاد النوع اللي كيفما قلنا كيتخاد في فترة الرضاعة الاولى وحتى بالنسبة لبعض السيدات اللي عندها أمراض مثل السكري وارتفاع ضغط الدم والشقيقة ..