الفانيد اسهل وسيلة لمنع الحمل والخماية من الحمل مرتفعة بزاف ايلا تخاد بانتظام ، والفانيد فيه العادي وفيه ديال المرأة اللي كترضع ، أما كيفاش كيخدم فهو كيحبس الاباضة وكيمنع التعشيش ديالها فالرحم حيت البلاصة اللي كتلصق فيها مكتكبرش ومن المنافع ديال الفانيد انو كينظم الدورة الشهرية وكينقص من حريق العادة الشهرية وكينقص خطر سرطان الرحم ، وكيعاون يداوي فقر الدم ،
كيفاش كيتستعمل؟
ايلا كان الشريط فيه 21 حبة كتخاد الخبة الاولى النهار الاول ديال الدورة الشهرية أو الدم . يوميا حبة في نفس الوقت حتى كتسالى كنحبسو الفانيد مدة سبع ايام والنهار الثامن كنبداوه تاني .
أما الشريط اللي فيه 28 حبة فهو كيتخاد يوميا بنفس الطريقة غير هو مكتحبسوش 7 أيام.
حالات النسيان ؟
ايلا نسيتي حبة يعني يوم ، غي كتفكري بلي نسيتي كاتاخدي اللي نسيتي فنفس اللحظة وكتكملي كيفما كنتي كاتاخديه من قبل .
ايلا نسيتي أكثر من يومين فهنا كاين خطر الحمل ، وضروري بعدما تاخذ الحبة ملي تفكرها ،ضروري تستعمل وسيلة أخرى مع الفانيد بحال العازل الطبي أو الجلدة .
أما ايلا كنتي كل مرة كتنساي فهاد الوسيلة غير مناسبة ليك وضروري تبدليها باش تفاداي الحمل الغير مرغوب فيه .
موانع الاستعمال ؟
من بين الموانع ديال استعمال الفانيد :
أمراض الكبد .
ارتفاع ضغط الدم .
أمراض القلب والشرايين .
داء السكري .
وعموما لابد من زيارة الطبيب في اليوم الاول قبل بدأ استعمال الفانيد .ولابد من المتابعة بعد كل شهر من التعاطي لمراقبة صحة المرأة .
الاعراض الجانيبة ؟
الدوخة ، القيء ، حريق الرأس
زيادة في الوزن
نقصان أيام وكمية العادة الشهرية .
إرسال تعليق
أكتب رأيك في الموضوع