هاد الزيارة كدار مابين 24 أسبوع حتى 28 أسبوع، الهدف الرئيسي منها هو التحقق من التطور الجيد للحمل وتحديد توقعات التطور بناءً على عوامل الخطر المكتشفة والأمراض ، ومنع الحالات المتعلقة بنقص التغدية ،و تقديم المشورة المناسبة ؛ أما كيفاش كدوز الزيارة فهي كالتالي :
1° الحوار :
واللي كتسولك فيه القابلة على تطور الحمل وكيفاش دازت المدة بين الزيارتين ، واش كتحسي بحركة الجنين (كتكون عادة من
20 SA أسبوع).
2° الفحص البدني :
واللي فيه كتعاود الممرضة تأكد من الوزن ديالك، واللي خاص ميفوتش الزيادة الطبيعية {متوسط الوزن أثناء الحمل هو 12 كيلو، كيلوجرام واحد في الشهر لمدة ستة الأشهر الأولى ، ثم كيلوغرام واحد لكل 15 يومًا خلال الربع الأخير}. وكتعاود تراقب ضغط الدم ياكما ارتفع عندك بحال المرة الفايتة، ومن بعد كتقلب ليك الكرش، بحال الشكل ديال التدليك باش تعرف حجم الرحم وفين شاد وغالبا فهاد الزيارة كيوصل مستوى السرة أو البوط ،ومن بعد كتعبر ليك ارتفاع الرحم بالسنتيمتر ، حيت كيعطي تفسير لعمر الحمل فإذا كان ارتفاع الرحم أكبرمن عمر الحمل هادشي يقدر يعني أنو كاين سوا خطأ في تاريخ العادة الشهرية ،أو كاين حمل متعدد بالتوام .. أما اذا كان العبار قل من عمر الحبالة يقدر يخلينا نفكرو في خطأ في التاريخ عاوتاني أو الحمل توقف ؛أو تأخر النمو داخل الرحم..
من بعد كدوز الممرضة لمرحلة البحث عن دقات قلب الجنين واللي كيتسمعو انطلاقا من 20 أسبوع من الحبالة بالسماعة الخاصة ، هنا كتشوف كل التفاصيل المتعلقة بالقلب من عدد النبضات والايقاع ..
وفي الأخير كدير الفحص المهبلي أو كتقلب السيدة الحامل باش تشوف ياكما كاين أمراض التهابات ، تغييرات عنق الرحم ..
3° الايكوجرافي/ التلفزة :
كدار الموجات فوق الصوتية بين 20 و 24 أسبوعًا باش نعرفو نمو الجنين وحيويته. وكندراسو مورفولوجيا الجنين والنمو ديال الأعضاء، وكنشوفو حتى المشيمة والحبل السري والتفاصيل ديالهوم.
4° التحاليل :
التحاليل اللي لازم يدارو فهاد الزيارة هي:
• تحليلة ديال البول للبحث عن سكر وبروتين البول.
• NFS أو فقر الدم إذا اقتضى الأمر ؛
• البحث عن agglutinins إذا كانت الريسوس سلبية.
• الحصبة الألمانية وداء المقوسات (rubéole et toxoplasmose)؛
• التحليلة ديال سكر الدم ضرورية فهاد العمر ديال الحبالة ، نقدو منديروهاش فالزيارة الأولى ولكنها ضرورية فهاد الزيارة ؛
5° الارسال الى المستشفى :
كترسل المرأة للمستشفى في الحالات المستعجلة في سيارة اسعاف ايلا كانو عندها مضاعفات مثل في حالة:
• النزيف الرحمي.
• ضغط مرتفع؛
• خطر الولادة المبكرة.
• حجم الرحم غير الطبيعي فيما يتعلق بعمر الحمل.
• أمراض أخرى مرتبطة بالحمل.
6° نصائح :
في الأخير كتعطيك القابلة نصائح اللي هي رسائل على:
• قيمة مراقبة الحمل ؛
• علامات الخطر المتعلقة بالثلث الثاني.
• التغذية والحياة الصحية ؛
• المشاركة في صفوف الأمهات.
• قيمة السجل الصحي للمرأة.
إرسال تعليق
أكتب رأيك في الموضوع